Copyright banga?

Copyright i chih khut siam thil bawl te tung a right i neih i gen na ahi. A bawl khia tu chouh in a thil bawl khiak copy bawl thei na thuneih na a nei. Hiai copyright a awm ziak ahih leh lungsim ngaih tuah na seng tu kiang a incentive piak na dan ahi.

Indian Copyright Act in a nuai a original khut siam thil bawl te a huam kha hi.

1. Literary, musical leh artistic lam tawk ki sai
2. Cinematography
   
3. Sound recording
   
4. Software.

Hiai a original a ki chiah ziak ahih leh khut siam thil bawl te koi mah a lak sawn louh, ahih kei leh mahni mimal hih thei na zang a bawl khai di ahi. Huai ziak in khut siam thil bawl himhim a kibawl khaik a kipat copyright a bawl tu kiang a kipat awm ahi.

Ahih leh copyright notice na khut suak a koih kei le teh copyright na neih bai mai a hi diam?
Copyright notice na koih louh ziak in na khut suak a copyritht na neih na a bei kei. Huai ziak in mi khut suak na lak sawn dek leh a nei tu thei pih lou in la sawm ken. Na khut suak tung a copyright notice na koih le a hoih sem ahi. Koi kei le teh le nang thu lou in midang in a copy uh illegal ahi thou thou di.

Na khut suak tung a copyright notice na koih ut leh a nuai a bang in koih in:
"Copyright [dates] by [author/owner]"
A hih kei leh Copyright chih tang in c circle sung a koih le teh. Hichi bang in

© [date] by [author/owner].

A hih leh ka khut suak te internet tung tawn in hawm zak leng copyright ka nei bei ahi diam?
Internet tungtawn a na khutsuak na hawh zak ziak in na copyright neih na a bei kei. Na khut suak Public Domain a ka pe khia na chih ma teng copyright nang khua a a awm lai.

A hih leh mi khut siak copy thei lou himhim ka hi diam?
Bang ziak a copy na hia? Education lam tawh ki sai ahih louh leh newsaper khong a report dia zang na hih leh a poi na a awm kei.




Source:
A handbook of copyright law